Градоначалникот на Центар, Андреј Жерновски, одговори на статусот на министерката за внатрешни работи Гордана Јанкулоска.
„Отсекогаш сум сакал ДУХОВИТИ минист(е)р(к)и, без разлика колку им се СЕРИОЗНИ функциите. Само, никако да си напишат на својот ФБ профил кој ги издаде личните карти на “гласачите” од Пустец. Бидејќи, “согласно Уставот и законите”, за тоа се одговара“, напиша Жерновски.
Министерката на внатрешни работи, на ФБ профилот, каде има информации за нејзини службени активности и за активности на министерството, објаво фото- монтажа со текст: Првиот работен дена на градоначалникот на Центар.
Јанкулоска го „качи“ Жерновски на багер.
На ФБ веќе има коментари дека ова не доликува на министер за внатрешни работи.