На насобраните симпатизери на СДСМ, кои пред седиштето на Бихаќка чекаат да им се обрати Бранко Црвенковски и кои велат дека нема да дозволат тој да се откаже од лидерската позиција, им се обрати секретарот на партијата Андреј Петров.
„Неговите мотиви да не се кандидира на конгресот не се дека е заморен ниту дека е болен или разочаран, но на два пати Црвенковски предупреди дека доколку одиме на вакви избори ќе освоиме само 3 општини. Црвенковски смета дека му е неуспех тоа што не успеал да го убеди членството“, рече Петров.
Побара сега да се води сметка за партијата бидејќи, рече, единствена цел е да се победи ВМРО-ДПМНЕ на следните избори. Потенцираше дека одлуката на Црвенковски да не се кандидира е негова лична.
Додека говореше Петров, симпатизерите извикуваа: Го сакаме Бранко! Бранко претседател!
