Грчките државни болници се повикани на претпазливост во врска со акцијата за донирање крв која за сабота ја организира неофашистичката партија Златна Зора, јави дописникот на МИА од Атина.
Синдикатот на ваботените во државните болници го повика персоналот во болниците да спречат акцијата за донирање крв на неонацистите да се претвори во „славење на национална и расна чистота“. Во соопштението неонацистичката партија се осудува поради нејзината „фиксација на ваквите иницијативи и покрај негодувањето на општеството и професионалните институции“.
Околу 25 членови на Златна зора вчера насилно влегоа во општата болница „Никеа“ во Пиреја за да бараат имигранти кои се лекуваат таму, но персоналот ги избрка пред да дојде полицијата.