Властите на американскиот град, Ситка, сојузна држава Алјаска, ќе одлучуваат за судбината на статуата на основачот на градот Александар Баранов, ова лето, изјави градоначалникот Гери Пакстон.
Група локални активисти, пред се претставници на домородното индијанско племе Тлингит, бараат уривање на споменикот на Баранов, повикувајќи се на угнетувањето за време на колонизацијата на Алјаска, чија територија во 18 и 19 век потпаѓала под Царска Русија.
Баранов ја основал Ситка во 1799 година како престолнина на руските колонии во северна Америка.
-Очекувам градското собрание да донесе решение во јули или август, во транспарентен и позитивен, конструктивен граѓански процес и испочитувани барањата на сите страни, со почит кон нашата историја, изјави Пакстон синоќа.
Статуата предизвикала контраверзи уште од нејзиното поставување во 1989 година.
Но, како што укажа директорот на Историски музеј на Ситка, „историјата не може да се избрише, настаните се случиле“.
„Најважно за нас е да известиме што точно се случило, и да учиме од историјата“, додаде тој.
Градот е лоциран на островот Баранов, именуван во чест на гувернерот на ентитетот што тогаш се нарекувал Руска Америка.
Рускиот општински совет, оранизација на руската дијаспора во САД, започна онлајн петиција за собирање потписи против уривање на статуата, повикувајќи се на „богатата историја на Алјаска“ и дека чекорот би бил „голем удар на руското американско наследство и меѓуетничките ангажмани“.
Претседателот на САД, Доналд Трамп, во петокот потпиша извршна наредба за заштита на спомениците во земјата што станаа цел на напади од страна на демонстрантите, по протестните акции во текот на цел месец.
Според наредбата на американскиот претседател, оние кои уништуваат и вандализираат споменици се соочени со казна затвор во траење до 10 години.
За можното уривање на споменикот на Баранов на Аљаска синоќа реагираа и од Кремљ.