Поради асфалтирање на дел од булеварот „Борис Трајковски“, од поранешната фабрика „Стакларница“ до бензинската пумпа „Марија трејд“, утре и задутре на оваа делница ќе се воведе привремен сообраќаен режим. Протокот на возила ќе биде регулиран со знаменца.
Привремен сообраќаен режим наредните два дена ќе се воведе и на крстосницата кај населбата Усје, заради асфалтирање на коловозот.
Град Скопје апелира граѓаните да покажат разбирање додека траат градежните работи на булеварот „Борис Трајковски“ и да ја користат околната патна мрежа. Градските власти ги повикуваат граѓаните да ја почитуваат поставената патна сигнализација и да ја приспособат брзината на движење на условите на патот.