Француски пожарникари се борат со огнот што избувна денеска на нуклеарна подморница закотвена заради поправки во јужниот пристанишен град Тулон, јавуваат агенциите.
Поморските власти во земјата соопштија дека не постои ризик од радијација од пожарот или чадот што произлегува.
„Нуклеарното гориво на бродот, како и неговото оружје беа отстранети пред поправките,“ се вели во соопштението на поморската префектура за Медитеранот, објавена на Твитер.
Подморницата беше евакуирана откако избувна пожарот во неговиот преден дел, соопшти префектурата. Поморските пожарникари беа однесени на местото на настанот, кој е оддалечен околу 60 километри од Марсеј.