Носен на рамена од членовите на неговиот изборен штаб, а придружуван од голем број жители на општина Центар, новиот градоначалник Андреј Жерновски ја прослави победата пред бараките на општината, каде деновиве треба да седне на градоначалничката фотелја, објави Плусинфо.
Двата влеза на оваа скопска локална самоуправа ги штитеа десетина полицајци, а Жерновски со своите поддржувачи на платото пред општината заигра оро на „Бисер балкански“.
Победата на Жерновски, со зурли и со тапани, вечерва се прославуваше по улиците на општината, а група од повеќе од 200 членови и симпатизери на партиите од опозицијата, пешки од штабот во Центар со развиорени знамиња, заедно со новиот градоначалник, претходно минаа крај зградата на владата.
ФОТО: Плусинфо