Оваа година, меѓународниот ден на животната средина – 5 јуни, се одбележува со слоганот – „Време е за природата“ и не повикува сите нас жители на планетата Земја да покажеме поголема грижа за екологијата и за заштитата на животинскиот и растителниот свет, велат од ДОМ.
„Одбележувањето на светскиот ден на животната средина е повод уште еднаш да ги преиспитаме нашите активности кои нанесуват штета на природата. Природата која ни обезбедува се што ни е потребно, е загрозена од најразлични влијанија и секој од нас поединечно и организирано треба постојано да придонесува за нејзина заштита“, соопштиваат од ДОМ.
Вообичаено Зелената партија ДОМ овој ден го одбележува со акции, како чистење на одредени локации од отпад, садење дрвја и цвеќиња, ослободување на заробените во бетон дрвја. Поради сегашните околности со корона пандемијата, ваквите активности од партијата велат дека ги одложуваат за следниот период.