Во СВР Скопје изутрината во 5:45 часот било пријавено дека во близина на угостителски објект и градинка на улицата „Архиепископ Доситеј“ во Скопје едно лице пукало од огнено оружје кон 24-годишниот К.Т. од Скопје, кој управувал мотоцикл, при што бил повреден во пределот на ногата.
Тој бил пренесен во комплексот клиники „Мајка Тереза“ за укажување лекарска помош.
Од МВР информираат дека увид на местото на настанот извршила увидна елипа од СВР Скопје, при што биле пронајдени шест чаури од муниција за пиштол.
Се преземаат мерки за расчистување на случајот.
