САД му испратиле на Бразил две милиона дози од антималарискиот лек хидроксихлорикин и покрај предупредувањата на здравствените работници за можната изложеност на ризик доколку се користи.
Владите на двете држави ова го соопштија само неколку дена откако Светската здравствена организација објави дека ќе го прекине тестирањето на овој лек врз пациенти со Ковид-19 поради здравствените ризици, пренесува „Гардијан“.
Двајцата претседатели ја промовираа употребата на овој лек, иако дури и Управата за храна и лекови на САД издаде предупредување дека лекот не треба да се користи во борбата против вирусот.
“Американците и Бразилците работат заедно во борбата против коронавирусот. САД на луиѓето во Бразил им доставија два милиона дози хидроксихлорикин. Лекот ќе се користи како профилакса за да им помогне на медицинските сестри, лекарите и здравствените работници во борбата против вирусот. Ќе се користи и како терепаија за заразените Бразилци “, се наведува во заедничката изјава.