На деветте избирачки места во Општина Струга на кои ќе се повтори изборниот процес в недела, ќе гласаат вкупно 7.885 граѓани запишани во единствениот избирачкиот список. Утре ќе гласаат 26 болни и изнемоштени лица, кои се пријавиле во Општинската изборна комисија, информираше претседателот на ОИК Џенгис Хани.
Во Струга ќе се прегласува на три избирачки места во градот, на исто толку во селото Октиси, на две во Подгорци и на едно избирачко место во селото Боровец.
Во вториот круг од изборите во Струга, Зијадин Села, кандидатот за градоначалник од ДПА, поддржан и од ДУИ доби 20.770 гласови. Неговиот противкандидат од Коалицијата на ВМРО-ДПМНЕ и СДСМ Владимир Кочоски освои 15.276 гласа.