На вечерашниот извршен одбор на СДСМ е договорено, изборно – отчетниот конгрес на социјал демократите да се оддржи на 2 јуни во Скопје.
Отчет за поразот на локалните избори ќе даде Црвeнковски, но нема да му се глaса доверба ниту нему, ниту на раководството, бидејќи им истекува мандатот, јави 24 Вести.
Според партиски извори вечерва не се зборувало за можни кандидати за лидер на партијата.
Неофицијално како можни кандидати што се споменуваат на Бихаќка се координаторот на пратеничката група на СДСМ Игор Ивановски, подпретседателот на СДСМ Зоран Јовановски, подпретседателот на партијата и градоначалник на Струмица Зоран Заев.
Дека има лидерски амбиции не крие ниту екс разузнавачот Кире Наумов.
Црвенковски во повеќе наврати јавно кажа дека нема намера да се кандидира за реизбор.
Може довербата да ја тестира ако отворено застане зад некој од кандидатите и ја побара нивната поддршка за него.