Поранешниот претседател на италијанскиот Сенат Франко Марини е посочен како фаворит за претстојните избори за претседател кои почнуваат денеска, јави ДПА.
Повеќе од илјада пратеници од националниот парламент и регионалните собранија ќе учествуваат во гласањето на кое треба да се избере новиот претседател на Италија.
Левоцентристичкиот лидер Пјер Луиџи Берсани и конзервативниот противник Силвио Берлускони укажаа дека сакаат да го поддржат 80-годишниот Марини.
Тој е член на Демократската партија на Берсани. За да биде избран кандидат за претседател треба да добие две третини гласови во првите три круга кои се очекува да завршат утре наутро. На четвртиот кој ќе биде в петок попладне, е доволно само мнозинство гласови.