Основното јавно обвинителство – Дебар постапувајќи по примените кривични пријави, денеска до Основниот суд во Дебар достави предлози за издавање казнен налог за пет полнолетни лица, соопштија од ОЈО Дебар.
-Лицата се обвинети дека непочитувајќи ја забраната за движење сториле кривично дело Непостапување според здравствени прописи за време на епидемија, информираат од Обвинителството.
Основниот јавен обвинител побара од судот сторителите да бидат огласени за виновни и да им биде изречена парична казна во висина од 10-100 дневни глоби.