Тепачка меѓу две групи настанала попладнево на Матка, во делот каде што се наоѓаат чамците кај езерото. Во групата на напаѓачите, неофицијално, бил и внукот на реисот Реџепи, барем така посочиле нападнатите лица.
Од видеото до кое дојде „А1он“ може да се види моментот кога доаѓа до туркање и се слуша еден истрел од огнено оружје.
Засега не е позната причината за пресметката. На новинарски екипи не им е дозволено да пристапат до местото на настанот.
Според нашите информации, на лице место се врши увид, присутни се лицата кои биле нападнати, а напаѓачите побегнале. Од МВР за „А1он“ неофицијално изјавуваат дека нивниот идентитет е познат и по нив веќе се трага.