Вчера по 17 часот во полиција било пријавено дека на ул.„Перо Наков“, во напуштена куќа бил пронајден починат Р.У.(19) од Скопје, без траги на насилство.
Од МВР соопштуваат дека извршен бил увид на местото на настанот од увидна екипа, а по наредба на Јавен обвинител телото на починатиот било дадено за обдукција.
Во Полициската станица во Свети Николе вчера било пријавено дека на ул.„Ванчо Ангелов“ во Свети Николе, во куќа во која моментално престојувал, бил пронајден починат Н.Г.(57) од Свети Николе.
Од полицијата соопштуваат дека извршен бил увид на местото на настанот од увидна екипа од Полициската станица Свети Николе, а телото на починатиот е дадено за обдукција.