Од денеска, први мај се казнува непочитување на Уредбата за носење на заштитна опрема, информира Министерството за здравство.
Задолжителното е носење заштитна опрема – маска, марама или шал, на устата и носот, во сите јавни објекти како државни институции, маркети, продавници, банки, пошти, јавен превоз, чекални, здравствени институции и слично.
❗️Од денес (1 мај) се казнува непочитување на Уредбата за носење на заштитна опрема.?Задолжителното е носење заштитна…
Posted by Министерство за здравство / Ministria e Shëndetësisë on Петок, 01 мај 2020
Носењето на заштитна опрема е задолжително и на отворени простори, секогаш кога не може да се одржува минимална дистанца од два метри меѓу граѓаните.
Заштитна опрема не е задолжителна за граѓаните кои престојуваат во двор на станбена семејна куќа, возат велосипед или спортуваат на отворено, но со задолжително одржување на дистанца од два метри растојание, ако патуваат во моторно возило со лица кои заедно живеат, како и ако се наоѓаат на отворено каде може да одржуваат дистанца од два метри.
Од Министерството за здравство апелираат да се почитуваат мерките.