Пред експозитурите на банките има редари кои ги враќаат граѓаните кои не носат маски и не ги пуштаат да влезат. Пред банките има и полициски службеници, задолжени да се запази редот и да не се создаваат гужви.
Тие истотака им посочуваат на граѓаните кои се без маска да не чекаат залудно оти нема да влезат внатре.
Најголем дел од оние кои чекаа ред, беа со заштитна опрема и ги почитуваат мерките, бидејќи како што велат свесни дека ако немаат маска можат да добијат казна.
Мерката важи за влез во пошта, наплатен пункт за струја, вода и други комунални давачки.
Граѓаните кои чекаа ред да ги подмираат овие давачки исто така беа под маски.
Слични се правилата и за влез во маркетите. Од денеска и таму на вратите има редар, кој не пушта муштерии да пазарат ако не носат маски.
Трговците, пиљарите, пекарите истотака организирани во насока на превентива од вирусот.
Пред продавницата стои еден од вработените кој се грижи да се запази редот и потребното растојаните и пушта купувачи само кои носат маски, а друг вработен ги услужува тие што пазарат.
И луѓето кои се движеа по улиците и околу автобуските постројки, најголемиот дел беа заштитени со маски и ракавици како превентивна мерка од коронавирусот.
Ова слика во градот следи по вчерашната информација дека до крајот на месецот тој што нема да носи маска ќе добие опомена, а од идната недела казна од 20 евра.
