Пораз на кошаркарската репрезентација на Македонија од Ангола со 88:84 на првиот натпревар од квалификацискиот турнир за пласман на Олимписките игри во Лондон, кои почнуваат за 24 дена.
Во текот на целиот натпревар нашите кошаркари бркаа негатива, која на моменти изнесуваше и -17. Ангола предводена од Циприано, Мингас и Гомес делуваше моќно во рекетот, а уште помоќно во одбраната. Кај нас МекКејлеб постигна 21, Антиќ 17, Илиевски 12.
Нашите репрезентативци утре играат против Нов Зеланд во 20:00 часот.
На првиот дуел денеска очекувано Русија славеше против Кореја со 91:56, а Грција го совлада Јордан со 107:63.