Вечерва во близина на Клиничкиот центар „Мајка Тереза“ во Скопје се случило убиство. Според извори на „А1он“, син, во семејна расправија со нож го прободел својот 55-годишен татко кој почнал да крвари.
Тие, според полициски извори, живееле блиску до Клиничкиот центар. Таткото собрал сили и се упатил кон Клиниката за да побара помош, но не стигнал да ја добие. Според нашите извори, тој искрварел по пат и додека дошле медицинските екипи веќе бил починат.
Првичните информации се дека синот е веќе приведен.
Во моментов кај Клиничкиот центар има бројни полициски екипи и се врши увид на местото на настанот.