Општина Кисела Вода продолжува да работи во насока на справување со вирусот „Ковид – 19“
Согласно владините мерки Општината вчера објави Јавен повик за online работа за достава на неопходни прехранбени намирници од економски оператори и маркети кои работат на нејзината територија.
Од Општината информираат дека сите заинтересирани може да се пријавуваат на електронската адреса: [email protected], додека пријавата за јавниот повик, која е потребно да се пополни и испрати најдоцна до денес, до 12:00 часот може да ја симнат на следниот линк: https://www.kiselavoda.
– Локалната самоуправа ги замолува економските оператори и маркети, заедно со пријавата во прилог да испратат и скенирана копија од ДРД образец. Пријавите од економските оператори и маркети, по разгледувањето ќе бидат проследени до Полициските станици – Кисела Вода (Пролет) и Драчево, соопштуваат од Општина Кисела Вода.
Оттаму замолуваат во овие тешки времиња, со цел за успешно, побрзо справување со вирусот да се почитуваат мерките и препораките дадени од Владата и Министерството за здравство.