Ќерката на 69-годишниот тетовец кој почина од коронавирус, Наташа Апостолоска, се обрати преку социјалните мрежи. Таа побара да се спроведе истрага за неговата смрт.
– Вчера вечер почина татко ми. Се надевам дека ќе спроведе истрага. Најжално е што поради тие лекари и јас и мајка ми се заразивме и сме позитивни, тие не преземаат ни морална обврска, а ние ниту на погреб не може да му одиме на татко ми. Само за нас важат законите, прописите и упатствата, напиша денеска Апостолоска на профилот на Твитер, означувајќи ги и прашувајќи ги министерот за здравство, Венко Филипче и Министерството за здравство.