Премиерот на Косово, Хашим Тачи изјави дека пропаѓањето на договорот не е опција ни за Србија, ниту за Косово и додаде дека ќе ја прифати поканата за продолжување на преговорите со Белград, дознаваат белградските медиуми.
-Останувам решен и подготвен да ја прифатам секоја покана за заеднички состанок во Брисел, која би дошла од високата претставничка на ЕУ, Кетрин Ештон – изјави Тачи за „Блиц“, и додаде дека до сега Косово направи повеќе отстапки и остана конструктивно во напорите да дојде до договор и дека сега е време Србија да стане прагматична.
Владата на Србија, по седницата вчера попладне едногласно го отфрли понудениот предлог за договор помеѓу Белград и Приштина, бидејќи со него не се загарантирани правата на Србите на Косово.
Елена Георгиевска