„И во време на најголемата здравствена криза Христијан Мицкоски и ВМРО-ДПМНЕ сакаат да посегнат по парите на граѓаните.
Предлогот на Мицкоски за префрлање на средствата од приватниот пензиски столб во државниот е чиста национализација. Во вториот столб свои средства имаат над 500.000 луѓе и никој не смее да се впушти во таков интервенционизам без да ги праша тие луѓе“, велат од СДСМ.
„Очигледно дека навиката во белиот сворец, само да земаат а да не се откажат од ништо се уште е присутна и во вакви кризни времиња.
Наместо да предлагаат национализации на пензиските фондови, Мицкоски и ВМРО-ДПМНЕ треба веднаш да се откажат од парите што партијата ги добива од Буџетот а ослободените средства да се искористат за побрзо справување со здравствената и економска криза.
Сега, кога државата се соочува со најголемата здравствена и сериозна економска криза, потребена е солидарност од сите, но тоа не јавноста не го гледа од ВМРО-ДПМНЕ, партијата која останува доследна на својата матрица да им ги зема парите на граѓаните“, соопштуваат од СДСМ.