Со развиорени албански знамиња и пукотници од огнено оружје ДПА и албанците од Струга ја слават победата на Зијадин Села за градоначалник на Струга. Во Лабуништа и пред штабот на ДПА е се поголем бројот на граѓани кои се собираат и кои слават за како што велат победата на ДПА.
На градскиот плоштад во Струга еден час после завршувањето на гласањето беше поставена голема бина каде треба да се обрати Зијадин Села и каде како што е најавено ќе настапат повеќе музички групи и пејачи албанци од Струга.
Од македонските партии во Струга најавуваат сериозни забелешки на изборниот процес во Струга и струшко кои потоа ќе бидат доставени до Државната изборната комисија.
Неофицијално во партиските кругови во македонскиот политички кампус се најавува дека ќе има и трет изборен круг во Струга. Според првичните неофицијални податоци разликата во гласови е нешто повеќе од 4000 за Зијадин Села во однос на Владмир Кочовски.