Воведовме вонредна состојба за поефикасно да се справиме со коронавирусот, но и да се помогне за подобрување на економскиот живот, вака министерката за правда Рената Дескоска ја објасни одлуката на Владата која вчера беше испратена до Собранието, а која потоа беше одобрена од претседателот Стево Пендаровски. Таа посочи дека ограничувањата на граѓаните ќе се воведе ако тоа е потребно, но такви одлуки нема да има ако сите се придржуваат до досега донесените мерки.
Десковска потенцираше дека една од најтешните одлуки во нејзиниот живот е да гласа за воведување вонредна состојба, потенцирајќи дека претходно не можела да замисли дека некогаш ќе живее во вонредна состојба.
„Нашата заедничка заложба како Влада е ограничувањето на правата да биде минимално и само кога тоа е нужно. Колку повеќе се придржуваме до мерките и препораките кои се дадени, толку побрзо ќе ја пребродиме оваа криза и нема да има потреба од ограничување на правата на граѓаните. Затоа апелирам совесно да ги почитуваме мерките и препораките на Министерството за здравство и Владата, за да нема потерба од воведување на построги ограничувања. Од нас зависи колку ќе се користат мерките за ограничувања кои и се на располагање на Владата“, кажа Дескоска.
Одлуката за вонредна состојба трае 30 дена и нема да биде продолжена ако епидемијата се смири, но ако продолжи, останува можноста да биде донесена и одлука за продолжување на ваквата состојба.
„Поминавме една ноќ во вонредна состојба. Ситуацијата ноќва во однос на она што граѓаните можеа да го прават и не смееа да го прават не беше ништо поразлично од она што беше воведено во претходните денови. Она што е различно од вчера е можноста на Владата со прогласување на вонредна состојба, а тоа е да носи уредби со законска сила. Ниту вчера ниту денес никој нема дилеми дека настапија околностите од членот 125 од Уставот за прогласување на вонредна состојба. Одлуката со која се утврди вонредната состојба има важност од 30 дена, што значи дека ако ситуацијата се смири таа може да биде укината, а доколку продолжи епидемијата, вонредната состојба може да се продлжи со нова одлука“, рече Дескоска.
Ограничувањето на човековите права не може да биде со нечовечко постапување и казнување, кажа Дескоска и додаде дека не смее да има дискриминаторско ограничување по основ на пол, раса, боја на кожа, вера, јазик, националност, имотна положба.
„Самата вонредна состојба не значи автоматска промена или ограничување на човековите права или начинот на живот на граѓаните. Но, сакам да укажам дека постои уставна можност за ограничување на слободите и правата на човкот и граѓанинот доколу постои таква потерба. Сепак, граѓаните треба да знаат дека ниедно ограничување на слбоодите и правата не смее да биде дискриминаторско по основ на пол, раса, боја на кожа, јазик, вера, нациоален основ, имотна поможба. Во услови на вонредна состојба, ограничувањето не на човековите права не смее да се однесува ниту во однос на правото на живот, ниту на забраната за мачење, ниту во правата одреденост на казнливите дела и казните, ниту во слободата на уверување, јавно изразување на мисла, вероисповсест. Не смее да има ниту нечовечко постапување и казнување“, потенцираше таа.
Во сила остануваат мерите кои досега ги донесе Владата, а министерката побара истите да се почитуваат.
„Сакам да потенцирам уште една, самото прогласување на вонредна состојба, не значи полициски час, забрана за движење, затворање на маркети и слично. Тука важат мерките кои досега се донесени од Владата, а тоа не значи автоматско стапување во сила на нови мерки. Исто е како пред воведување на вонредна состојба, само сега Владата има повеќе овластување во борба со оваа криза“, заклучи Дескоска.