Кандидатот за градоначалник од коалицијата „За подобра Македонија“, Зоран Ѓорѓиевски, денеска оствaри средба со стопанствениците од индустријата за производство на мебел и вети инфраструктурно уредување на постоечките индустриски зони во градот, изградени со средства на самите стопанственици.
Ѓорѓиевски напомена дека значајно место во програмата имаат и малите и средни претпријатија кои се брендови за самата општина, во државата, но и пошироко.
– Како локална самоуправа видно ќе ги одбележиме самите зони и самите претпријатија за полесна комуникација со нивните партнери, vети Ѓорѓиевски.
За населбата Долно Којнаре предвидена e и изградба на фекална канализациона мрежа која треба да биде споена со централната,средување на речното корито,подобрување на водоводната мрежа.
Поддршка на кандидатот за градоначалник од колацијата „За подобра Македонија“, даде и коалициониот партнер Обединети Демокртски сили на Ромите.
– Сметаме дека сите Роми во општина Куманово ќе дадат поддршка на канидатот Зоран Ѓорѓиевски,бидејќи бараме промена на целокупната живот на ромската заедница и целосна интеграција на заедницата во општественото живеење, рече на прес-конференција Шабан Салиу, претседател на Обединети Демократски сили на Ромите.
Министерот Неждет Мустафа на прес-конференцијата потенцира дека Ромите во Куманово ќе гласаат за Зоран Ѓорѓиевски бидејќи содржините од Декадата на Ромите ќе бидат успешно имплементирани како и досега, како што е продолжувањето на финасирањето на Ромите средношколци, продолжување на подобрување на инфраструктурното уредување во деловите каде што живее ромското население…
