Општинската изборна комисија (ОИК) – Штип денеска и официјално на огласната табла во зградата на Општина Штип ги објави резултатите од спроведените Локални избори 2013 година.
Претседателката на ОИК-Штип, Лидија Савиќ вели дека по одбиените приговори и жалби од Управниот суд и ДИК денеска е официјално објавено дека градоначалник на Општина Штип е Илчо Захариев, а за 23-те советнички места во Советот на Општина Штип, коалицијата „За подобра Македонија“ предводена од ВМРО ДПМНЕ има освоено 14 советнички места, а колицијата „Сојузот за иднината“ предводена од СДСМ имаат девет советнички места.
– Во петок ќе ги потпишеме и врачиме уверенијата на новиот градоначалник на Општина Штип, Илчо Захариев и за 23-та советници, со што практично работата на ОИК завршува за овие локални избори, рече Савиќ.
Во петок покрај врачувањето на решенијата на новиот градоначалник и советници ќе се изврши и примопредавање на функцијата градоначалник.