Девојка од Куманово (27) е ранета попладнево со огнено оружје во месноста „Менкова Колиба“. Според првичните инфрмации, минувач го пријавил случајот во полиција.
СВР Куманово не открива детали освен дека се трага по сторителот. Повеќе информации најавува за утре. Од кумановската болница потврдуваат дека кај нив е примена девојка со прострелни рани во двете натколеници.
– Со возило на брза помош е донесено женско лице околу 14 часот 45 минути со прострелни рани на двете натколеници од кои во едната имаше заостанат куршум. Лицето е донесено во стабилна општа состојба. По направените рентгенски снимања и по терапијата, е префрлено на Клиниката за трауматологија во Скопје, изјави Зоран Тасевски, хирург во Општата болница Куманово.