И пред вториот круг избори во некои општини или можни прегласувања, Цивил-Центар за слобода на терен забележал тензична атмосфера и ограничување на слободното изразување на граѓаните.
Организацијата го повтори својот апел до сите учесници на изборите, политичките партии и нивните членови и активисти, до институциите на државата, организациите на граѓанското општество и сите граѓанки и граѓани на Република Македонија, да дадат свој придонес за слободни и ненасилни избори и со своето цивилизирано однесување да бидат дел од еден фер и демократски политички натпревар.
Истовремено, „Цивил“ организира и пара-кампања, со дваесетина видео клипови со духовита содржина чие заедничко име е „Ајде да бидеме озбилни!“ – паракампања на Цивил за паранормални појави во изборните процеси.
Организацијата и пред вториот круг или прегласувањето на некои избирачки места, ќе продолжи со проектот Слободни и ненасилни избори 2013. Ќе се работи на јакнење на јавната свест за потребата од избори без притисоци и насилство, преку онлајн активизам, кампања на ТВ, радио и весници, дистрибуција на едукативни материјали за слободни и ненасилни избори и втора, сеопфатен мониторинг на целиот изборен процес, односно на кампањата, предизборниот молк, денот на гласањето и медиумите.
Овој мониторинг го спроведуваат околу 140 лица распоредени во девет работни групи за превенција и неколку мобилни тимови на територијата на целата држава. Цивил го повторува својот апел до сите учесници на изборите, политичките партии и нивните членови и активисти, до институциите на државата, организациите на граѓанското општество и сите граѓанки и граѓани на Република Македонија, да дадат свој придонес за слободни и ненасилни избори и со своето цивилизирано однесување да бидат дел од еден фер и демократски политички натпревар.