Резулататите од тестирањето на коронавирус кај патничката од Милано се негативни.
Министерството за здравство два часа порано од најавеното објави на својата веб страна дека се негативни резултатите на пациентката која вечерва беше тестирана на коронавирус.
Како што објавија вчера од Министерството, патничка пристигнала завчера со попладневен лет од Милано во Скопје.
„Ја следиме ситуацијата, постапуваме согласно протоколите на СЗО и продолжуваме редовно да ја информираме јавноста“, стои во соопштението.
Ова е трет случај на тестирање на коронавирус во земјава – претходно беа тестирани двајца патници, едниот од Италија а другиот од Дубаи.
Кај сите тестирани досега, резултатите се негативни.