Нов модерен зелен пазар во населбата „Гоце Делчев“ вети кандидатот за градоначалник од коалицијата „За подобра Македонија“ предводнеа од ВМРО-ДПМНЕ Зоран Ѓорѓиевски.
– Постоечкиот зелен пазар е пренатрупан, а воедно околу него има голем број „диви“ прекупци. При подготвување на програмата преку непосредните контакти со граѓаните добивме предлог дека е потребен ваков пазар за да може и оние кои продаваат на различни локации од градот да закупат тезга и да се намали метежот на постоечкиот пазар, рече Ѓорѓиевски.
Тој вети дека пазарот ќе биде модерен и ќе има простор за паркирање и за закупците и за купувачите.
Ѓорѓиевски додаде дека во неговата програма особен акцент е ставен на развојот на локалната економија.
– Куманово е водечки град по бројката на печалбари од Авганистан кои имаат капитал, но можеби и немаат идеја за реализирање бизнис планови. Затоа, во нашата програма е предвидено фомрирање канцеларија за советодавни услуги кои ќе ќе обезбедуваат совети и поддршка за идните стопанственици, кои наместо да ги чуваат парите ќе имаат можност да развијат бизнис од кој бенефит ќе имаат самите тие, но и градот со намалувањето на бројката на невработените, рече Ѓорѓиевски.