Кандидатот за градоначалник на Општина Центар од коалицијата „За подобра Македонија“ Владимир Тодоровиќ денеска на прес-конференција најави изградба на нов парк во населбата Капиштец. Паркот се гради покрај булеварот „Св.Кирил и Методиј“ на вкупна површина од околу 2.000 квадратни метри и ќе биде хортикултурно и партерно уреден.
– Од средбите со граѓаните на населбата Капиштец добивме информација дека тие повеќе сакаат парк отколку паркинг кој веќе беше започнат да се гради. Покрај зелените површини и пешачките патеки од бехатон плочки, паркот ќе содржи и урбана опрема која опфаќа клупи, корпи за отпадоци и канделабри.
– Паркот ќе биде опкружен со дрворед од израснати јавори, тревници со алпинетуми од декоративни зимзелени садници и цветни топки од разновидни сезонски цветен расад како вистински украс за граѓаните, изјави Тодоровиќ.