Рано изутрина околу 5 часот, пред семејната куќа на кандидатот за градоначалник на Виница од Сојузот за иднината за Виница, Венцо Вуинов се случил напад и насилие врз кандидатот и неговото семејство.
Нападот го извршиле четири лица од кои предводник бил Роберт Зафиров од УМС на ВМРО-ДПМНЕ, заедно со лицето Виктор Анакиев и Драган Вучков сите активисти на ВМРО-ДПМНЕ од Виница, уште едно лице кое беше со нив не е идентификувано и успеало да избега, рече за А1он, Венцо Вуинов.
Кога дошле пред куќата почнале да викаат со навредливи зборови и да се закануваат по живот и безбедноста на Вуинов и неговото семејство, како и да фрлаат со камења и стаклени шишиња кон куќата и автомобилот на кандидатот.
Истовремено приклучна приколка која стоела на патот ја ставиле врз автомобилот на Вуинов при тоа го оштетиле. Ова дивеење траело половина час при што било вознемирено и уплашено семејството на кандидатот и соседите. По ова таткото на Вуинов заедно со двајца соседи решиле да се спротистават и напагачите се дале во бегство, но на стотина метри од семејната куќа на Вуинов успеале да го блокираат патот и да ги спречат во бегството.
Вуинов ја алармирал полицијата, која реагирале за 10 минути и тројца од четворицата насилници се приведини. Направен е увид од полицијата на местото и констатирано дивеењето и материјалната штета, известен е јавниот обвинител и тројцата во моментов се во притвор.