„СДСМ уште еднаш покажа што значи одговорност, храброст и работа во интерес на државата.
Го оствариме тридеценискиот стремеж да станеme членка на НАТО. Државата да биде слободна, демократска, економски напредна, со ценета и почитувана армија.
Собранието го изгласа Законот за одбрана, кој е од голема важност за членството во НАТО, бидејќи во него е вграден принципот на колективна одбрана.
По три декади нам сонот ни станува стварност, единствено ВМРО-ДПМНЕ и извршителот на Груевски, Христијан Мицкоски не можат и не сакаат да го видат тоа“, рече Хари Локвенец, пратеник на СДСМ.
„Лажниот патриотизам и лицемерието на ВМРО-ДПМНЕ уште еднаш исплива на површина кога во Собранието, пратениците на опозициската партија не гласаа за Законот за одбрана, наводно поради променетото име.
Од друга страна, пратениците на ВМРО-ДПМНЕ немаа проблем со уставното име кога се носеше Законот за служба во Армијата. Немаат проблем ниту кога земаат плати или учествуваат на состанок на Европските народни партии.
Извршителот Мицкоски и ВМРО-ДПМНЕ самите потврдија дека не им пречи уставното име Република Северна Македонија, туку им пречи прогресот на државата, нејзиното членство во НАТО.
Мицкоски и ВМРО-ДПМНЕ немаат што да им понудат на граѓаните освен лажен патриотизам, блокади и деструкции, чекор назад кон меѓународна изолација и заробена држава.
Нашето полноправно членство во НАТО е прашање на денови, а не месеци или недели. Собранието го ратификуваше Северноатлантскиот договор и стаса веста дека шпанскиот парламент ја прифати брзата трака за ратификација на нашиот протокол.
Тоа значи дека земјата е безбедна, границите се обезбедени, а граѓаните можат да се чувствуваат сигурно и да ги очекуваат придобивките од членството во НАТО – поголеми инвестиции, повеќе нови работни места, повисоки плати.
Граѓаните сакаат да живеат во европска и просперитетна држава и затоа на 12 април ќе ги поддржат политиките на СДСМ, кои отсекогаш биле насочени исклучиво во интерес на граѓаните и државата.
Нема враќање назад кон изолација и неизвесност. Тие еден чекор назад, ние три напред“, изјави Хари Локвенец, пратеник на СДСМ.