Министерството за внатрешни работи достави известување до Обвинителството за објавениот статус на новинарот Бранко Тричковски во кој пишува: „Слушам дека Мизерахи пак јадела хумус од мртви Евреи“, поради како што велат, утврдување и документирање на содржина со говор на омраза. Оттаму велат дека треба да се побараат податоци од компанијата „Фејсбук“ за кориснички податоци за профилот на Тричковски каде е објавен статусот.
„По добивање на потребните податоци ќе бидат преземени соодветните мерки и активности со цел утврдување на сторителот на кривичното дело по член 394-г – ‘Ширење расистички и ксенофобичен материјал преку компјутерски систем’ и член 319 – ‘Предизвикување омраза, раздор или нетрпеливост врз национална, расна, верска и друга дискриминаторска основа’, предвидени во Кривичниот закон“, информираат од МВР.
Слушам дека Мизерахи пак јадела хумус од мртви Евреи!
Posted by Branko Trickovski on Четврток, 06 февруари 2020
Остри реакции и осуди за Тричковски испратија и од партиите СДСМ и ВМРО-ДПМНЕ.
