Германскиот авиопревозник „Луфтханза“ наскоро на своите летови ќе нуди четири различни класи.
Покрај првата и бизнис класата, патниците ќе можат да бираат и меѓу две економски класи, во вторникот објавија германските медиуми.
Досегашната економска класа во авионите ќе стане пониска, четврта класа, додека третата ќе се нарекува „Премиум економи“.
Новата поделба ќе се воведе во 2014 година, објави „Луфтханза“.
Следната пролет „Луфтханза“ ќе ги престави новите класи во своите авиони и тогаш ќе почне прилагодувањето на авионите на новиот распоред.
Цената на „Премиум економи“ класата треба да биде поблиску до економската, отколку до бизнис класата.