ВМРО-ДПМНЕ во денешната писмена реакција на изјавата на Јани Макрадули вели дека тој водел ниска и празна кампања во првиот круг и оти така ќе продолжи и во вториот круг.
– Разликата во гласови за Град Скопје помеѓу Коце Трајановски и Јани Макрадули е огромна. Тоа говори дека граѓаните гласаа за дела и реализирани проекти, но и за програма која ветува дека Скопје ќе прерасне во вистинска европска метропола, се наведува во реакцијата.
Од партијата посочуваат дека граѓаните дадоа поддршка на делата во Скопје.
– Јани Макрадули не ја научи лекцијата на 24 март, па наместо да понуди програма идеи и проекти, онака како што е скроен, зборува невистини, само да го скрие срамниот резултат кој што го оствари, се додава во реакцијата.
Од ВМРО-ДПМНЕ истакнуваат дека Макрадули во јавноста не кажал ниту еден конкретен, реален и финансиски идржан проект и дека целата негова кариера се темели на празни зборови, без дела.