Двајца братучеди, македонски државјани, Марија (25) и Методи Витанов (26) утринава загинале во сообраќајна несреќа во Италија, откако со автомобил марка „Клио“ удриле во дрво. Автомобилот веднаш се запалил и двајцата братучеди не можеле да излезат, а залудни биле и напорите на противпожарните екипи и на полицијата да ги спасат.
Младата девојка, како што пренесуваат италијанските медиуми, била во посета на Италија во посета на роднини. Таа вечерта била излезена со својот братучед, кога се случила несреќата.
„Противпожарните екипи го изгаснале пожарот за две минути, но двајцата млади веќе биле починати“, сведочат очевидци за италијанските медиуми.
Полицијата, од околните камери допрво ќе ги утврдува причините за несреќата.
