Досегашниот градоначалник на Македонска Каменица од ВМРО-ДПМНЕ, Дарко Митевски, и во наредните четири години ќе биде прв човек на Општината.
Според објавените резултати од Општинската изборна комисија на вчерашното гласање Дарко Митевски освоил 3.346 гласа, а неговиот главен конкурент од редовите на коалицијата предводена од СДСМ, Стојан Јефремов 1.458 гласа.
Кандидатот на СДУ, Гоце Стојановски освоил 33, а кандидатот на СДПМ, Димче Веселинов, освоил 27 гласа.
Избирачкиот список за Општина Македонска Каменица има вкупно 6.692 избирачи, од кои вчера на 14-те избирачки места гласале 5.102 избирачи.
