„Компанијата за која деновиве ВМРО-ДПМНЕ измислува непостоечки скандали е компанија основана во 2014 година, време на владеењето на режимот на ВМРО-ДПМНЕ, а токму Илија Димовски кој деновиве неосновано обвинува гласал ‘ЗA’ формирање Државната видео лотарија“, велат од СДСМ.
Од партијата додаваат дека од „белиот дворец“ продолжуваат со конструирани случаи и измислици со цел да ја покријат сопствената безидејност.
„Колку ВМРО-ДПМНЕ е заглавена во безидејност говори и тоа што една од набавките е отворена токму во времето на нивното владеење.Набавката за која лажно обвинуваат од ВМРО-ДПМНЕ е распишана одамна, а поради обемноста, процесот за нејзина реализација траел подолг период. Како што информираа од Државна видео лотарија, набавката на слот-машините е од сопствени средства и не е потрошен ниту еден денар од граѓаните. Напротив, Државната видео лотарија преку законско и транспарентно работење учествува во полнење на Буџетот и за разлика од времето на владеење на ВМРО-ДПМНЕ кога Државната видео лотарија беше загубар, денес таа е една од најуспешните компании“, пишува во соопштението на владејачката партија.