Припадниците на српската жандармерија, специјална единица на Министерството за внатрешни работи на Србија од вчера добија нова заклетва. Најголем дел од текстот е посветен на Косово без кое како што се наведува „не постои српскиот народ и Србија“.
Сега српските специјалци се колнат дека „ќе победат или чесно ќе погинат за Србија“ како и тоа дека „Без Косово, не постои и Србија“.
Во Србија има над 3.000 припадници на оваа специјална единица која е под тешко вооружување и е под команда на еден човек, и по својот состав и моќности е многу поблиску до војската отколку на полицијата.