Околу 4 часот наутро, на само неколку часа до отворањето на гласачките места, пред зградата на Апелациониот суд – Штип, каде што се наоѓа избирачкото место 2296, беше блокирана улицата Генерал Михајло Апостолски, која води кон Клиничката болница во Штип.
При остварениот телефонски повик до СВР-Штип, добивме информација дека и тие не се запознаени со ситуацијата и ќе излезат на терен да видат што се случува. Индикативно е што во непосредна близина на ова избирачко место се наоѓаат просториите на една политичка партија, каде што можеше да се забележи присуство на поголем број лица, кои ги напуштаа просториите.
По 15 минути, препреките беа отстранети од страна на полициски службеници, кои и при второто јавување не ја посочија причината за прекинот на сообраќајот.