Изборниот процес во општина Гостивар утрово почнал без проблеми, информира Општинската изборна комисија. Од 89 гласачки места, само едно не е отворено навреме.
– Причината е одрон на пат кој го попречил движењето на членовите на избирачкиот одбор кон селото Ќафа. Има најави дека избирачкото место 782 ќе биде отворено и да им се овозоможи на 41 избирач да го остварат своето право на глас, рече потпретседателот на ОИК Гостивар.
Во избирачки список за годинашните избори се запишани 75.109 гласачи. Вчера гласале повеќето од 330-те лица кои биле пријавени како болни и изнемоштени.
На овие избори гостиварци може да гласаат за седум листи за кандидати за советници и за петмина кандидати за градоначалник.
