Зоран Заев ја излажа македонската јавност дека прв го пријавил „Рекет“ и сè уште нема одговор како и кога го пријавил случајот во Обвинителството, велат од опозициската ВМРО-ДПМНЕ преку соопштение.
Опозицијата порача дека доколку навистина тој прв го пријавил случајот, тогаш нема да му претставува проблем да ја покаже службената белешка или записник од пријавата.
„Според Законот за кривичната постапка, член 274, став 3, доколку пријавата се поднесува усно, за неа се составува записник, а доколку е телефонски, се составува службена белешка. Воедно, според Законот за Јавното обвинителство, член 39, Јавното обвинителство прима пријави, претставки и други поднесоци и изјави од граѓани. Врз основа на тоа Заев треба да знае и досега требаше да соопшти на кој ден, на кој начин и како го пријавил „Рекет“ и да ја покаже службената белешка или записник од пријавата“, велат од ВМРО-ДПМНЕ.
Опозицијата тврди дека Заев не го пријавил „Рекет“ затоа што токму тој, како што велат, е главата на октоподот и на криминално-рекетарската банда.
