Кандидадот за градоначалник на Гостивар од ДУИ Невзат Бејта вети решавање на проблемот со вода за пиење, фабрика за рециклажа, модерни сообраќајници и ред други проекти на синоќешниот митинг на градскиот плоштад.
“На овдешните жители и печалбарите ќе ми овозможиме поволни услови за да инвестираат и нивниот капитал да го вложат во родниот Гостивар.Ќе ги легализираме сите објекти кои досега не беа легализирани. Ќе ги менуваме и донесуваме урбанистичките планови врз база на барањата и интересите на граѓаните. Даноците кои изминативе 4 години беа зголемени за 300 % ќе бидат намалени. Ова ви го гарантирам, и ви гарантирам дека општината ќе биде ваша и секогаш ќе бидете добредојдени во неа”, рече Бејта.
Лидерот на партијата Али Ахмети, пак, побара на 24-ти март гостиварци да гласаат за нив.
“Од вас барам да приближите повеќе луѓе кон оваа програма зад која раководството и членството на ДУИ стојат со сиот капацитет и кадри. Она што кандидадот Невзат Бејта го вети пред вас, убеден сум дека има знаење и енергија да го реализира. Вашиот глас на 24. март ќе значи победа затоа што ќе гласате за најдобрите”, изјави Ахмети.