Американскиот претседател Барак Обама пристигна во својата прва официјална посета на Израел.
На аеродромот во Тел Авив е одржана церемонија за пречек на Обама, кој подоцна треба да оствари официјални средби со израелските лидери.
Веднаш по слетувањето на претседателскиот авион, Обама имаше можност да размени неколку зборови со израелскиот колега Шимон Перес, како и со премиерот Бенјамин Нетанјаху.
Перес изјави дека „еден свет без американското лидерство, без моралниот глас на САД, би бил помрачен свет. Еден свет без американското пријателство ќе доведе до агресија врз Израел“.
Нетанјаху му заблагодари на Обама што ги заштитува правата на Израел и на тој начин и овозможува на еврејската држава да опстане.
Американскиот претседател нагласи пред домаќините дека се гордее што неговата земја е сојузник на Израел.
Обама за време на блискоисточната турнеја е предвидено да ги посети и Западниот Брег и Јордан.