Актуелниот градоначалник на Виница, Емил Дончев вети изградба на заобиколници во општината ама дела на повидок нема, вели кандидатот за градоначалник од Сојузот за иднината, Венцо Вуинов.
„На ова место, актуелниот градоначалник Емил Дончев вети изградба на заобиколен пат и уште еднаш излажа. Обиколница беше ветена и за населеното место Истибања. Бевме во Истибања, а обиколницата не успеавме да ја најдеме. Градоначалник со лаги не бидува.
– На моите виничани можам да им ветам дека ќе се залагам заедно со државните институции конечно и Виница да добие обиколница со што би се зголемила безбедноста на граѓаните, би се намалил сообраќајот и Виница би имала почист воздух.– Проектите во нашата програма се реални, издржани и остварливи. Ние нашите граѓани нема да ги лажеме со проекти кои служат само за собирање гласови“, изјави Венцо Вуинов, кандидат за градоначалник на Виница од Сојузот за иднината.