Двајца Роми се убиени, а двајца се борат за живот, откако вооружен поранешен бугарски воен офицер, денеска упаднал во домот на своите соседи во густо населената, главно со Роми населба во Софија, соопшти министерството за внатрешни работи.
Во соопштението се вели дека 67-годишникот влегол во домот на ромското семејство, отворил оган и на лице место го убил 26-годишниот Ром, сериозно ранил 22-годишник и две жени, од 28 и 56 години, од кои една набрзо починала во болница, пренесе агенцијата АФП.
Сторителот на убиствата, кој не е Ром, се обидел потоа да се самоубие и е хоспитализиран со тешки повреди по живот, се додава во соопштението на министерството.
Во Бугарија живеат околу 700.000 Роми. Тие, според пишувањето на француската агенција, живеат во еден вид гета и се дискриминирани од останатото бугарско население. Многу често се насилните инциденти меѓу самите Роми, како и помеѓу ромите и жителите од бугарска националност.