Претседателот на НСДП, Тито Петковски на митингот на Сојузот за иднина во Велес порача дека денес во Македонија нема локална самоуправа.
Груевски и тие околу него локалната самоуправа ја доживаат како база за вработување на партиски послушници и како пералници на пари. Се растрчале по државава, ги затвориле кабинетите и одат во кампања низ општините.
Говорат дека Македонија се сакала со дела, и видите што ветија, а што направија, ништо за седум години не направија. Се задолжуваат постојано, кој тоа ќе го враќа? А, земаат кредити како зависници од дрога. И тоа што се случи на 24. декември беше од што не знаат поинаку да работат, а кој работи во темница, само крадец, рече Петковски.
Груевски на 24. декември беше испружен пред дилема-дали да истера пратеници и новинари или дали да прогласи банкрот на државата? Тие што го знаат Груевски знаат дека тој ќе тепа и се ќе направи само власта да ја задржи, рече Петковски во Велес.